Oianguko eta Turingo krosa eta pista estalia Donostian

Egilea: Pululu Itzulpena: Auritz Mendizabal

Igande hau Txindoki Jaso Autowag ATko atletentzat oso garrantzitsuak diren ekitaldiez beteta dator atletismoko agendan.

Kronologikoki, igandean, 9:55ean, Txindoki Jaso Autowag ATko atleta den Iraia Mendia lazkaotarrak, amaitzear dagoen denboraldi honetan, nazioarteko atleta gisa debuta egingo du; izan ere, Turingo Europako Kros Txapelketan (Italia) Espainiako selekzioarekin parte hartuko duen 40 atleta espainiarretako euskal atleta bakarra izango da. Iraia 20 urtez azpikoen kategoriako irteera-lerroan egongo da, beste bost hautaketa-lankiderekin batera. Taldekako podiumaren alde borrokatzea du helburu Iraiak, hautaketa handia egin baitute, eta seguru asko paper ona egingo duela, nahiz eta bere debuta izan eta zirkuitua oso gogorra. Animo Iraia.

Hemen, etxean, eta Iraiari Teledeporteko mugikorren bidez parte hartzen jarraitu ondoren, 10:30ean landa-probak hasiko dira Txindoki Krossaren bidez, Ordiziako Oiangu parkean. Txindoki AT elkarteak antolatzen du Ordiziako Udalarekin eta Gipuzkoako Atletismo Federazioarekin elkarlanean. Txindoki Krossaren zazpigarren edizioa izango da 2015. urtetik berriz ekin zitzaionetik. Oianguko zelaietan izango da, eta Gipuzkoan, berriz, hirugarren kros federatua izango da udazken honetan Lasarteko eta Irungo krosaren ondoren, eta eskolako krosaren laugarren jardunaldia aurreko bien eta Orioko eskola-krosaren ondoren, joan den asteartean San Nikolas egunean ospatua kostaldean.

Guztira 8 kros-lasterketa egingo dira, 10:30ean hasi eta federatuentzako bi lasterketarekin, eta, ondoren, eskola-atletentzako beste sei lasterketa, 11:40an hasi eta 12:50ean amaituko direnak. Antolatzaileek 250 atleta inguru espero dituzte lasterketa guztietan. Txindoki AT taberna-zerbitzua egongo da parkeko txiringitoan. Bertan, mokadu eta txorizo-pintxo klasikoak dastatu ahal izango dira, benetako kross goiz hotza eroso eramateko.

Igande goizean baita ere, pista estaliko parte-hartze libreko proben lehen jardunaldia egingo da Donostiako belodromoan. Bertan, Txindoki ATko zazpi atleta egongo dira.

Igandean, Murtziako Cieza herrian, neguko ibilbideko Espainiako txapelketa jokatuko da. Ordiziako Tolosa CFko Hodei Caballero atleta izango da 20 urtez azpikoen kategorian ibilbideko 5 km-ko lasterketan. Hodei txapelketara parte-hartzaileen seigarren markarik onenarekin joango da 21:51 markarekin, maiatzean egina Madrilen.

Herri lasterketetan, larunbatean Txantrea herri krossa Txantrean (Iruña) eta igandean Gabonetako krossa Portugaleten (Bizkaia)

Emaitzak

Valentziako maratoi bikaina egin zuten Txindoki Jaso Autowag ATko lau atletek.

Munduko maratoi onenetakotzat jotzen den batean, egindako marken maila bikainagatik eta bertaratzen diren maila handiko parte-hartzaileen kopuruagatik berriro berretsi zuena, lau atleta urdinek brodatu egin zuten, maratoi oso bat eginda ia beti arrakastaren sinonimo denaren erregulartasunarekin; denak zapi batean sartu ziren eta hiruk, gainera, marka pertsonala lortu zuten. Maratoia amaitu zuten 21818 atleten artean, Álvaro Calderón donostiarra 2:42:38 denbora errealean iritsi zen 1270 postuan, eta maratoi-erdian eman zuen denbora bikoiztuta geratu zen. Ordiziarrek ere marka pertsonalak lortu zituzten: Asier Auzmendik 2:43:30 marka (17 urte ondoren bere marka minutu bat baino gehiago hobetuz), Iker Iztuetak 2:43:47 (iaz baino 3 minutu azkarrago) eta bere anaia Egoitzek 2:44:02 (8 minutu jaitsiz bere iazko marka). Esan beharrekoa ez direla iada gaztetxoak eta 35 urtetik gorakoen master kategorian badaudela gutxienez...

Astearte honetan egin den Orioko eskola krosean, Aiora Sarasolaren Lazkaoko San Benitoren garaipena eta Ataungo Jose Miguel Barandiarango Arene Saralegiren 28. postua nabarmendu behar dira nesken kimuetan. Alebin mutiletan, 5. Julen Lekuona San Benitokoa, 8. Ander Garmendia Idiazabalgo Aita Iparragirre, 11. Aner Arrondo J.M.Barandiaran eta 13. Ekhi Arrondo Ordiziako Jakintza, Txindoki AT txapelduna izateko. Haurrak: Jakintzako Irene Basarte 4., San Benitoko Iart Aldanondo 19. eta San Benitoko Arianne Insausti 21. Mutiletan, 9. Kepa Sarriegi, 15. Beñat Otegi, 17. Unai Gorjon eta 20. Ibai Odriozola. Horiek guztiak San Benitokoak dira, eta Txindoki AT da taldekako txapelduna, eta Lazkaoko San Benito ikastola da ikastetxeetako txapelduna.