Laugarren Skyrunning munduko txapelketa Irati Zubizarretarentzat

Egilea: Pululu Itzulpena: Auritz Mendizabal

Asteburu honetan, eta laugarren aldiz, Italiako Fonte Cerreto (L’Aquila) izango da Youth skyrunning munduko txapelketaren egoitza. 23 urtez behekoen kategorian egongo da Txindoki Jaso Autowag ATko Irati Zubizarreta.

Mendiko lasterketen munduko txapelketa hau historian bosgarrena izango da Italiako herri honetan 2016. urtean hasi zenetik. Hurrengo urtean, 2017 Andorran jokatu zen eta Italiara itzuli zen 2018 eta 2019 urteetan. 2020. urtean ere Italian izango ziren eta bertan behera utzi ziren; aurten, berriz ere, lehiatu egingo dira.

Hiru kategoria daude: gazteak “A”, 16 eta 17 urte bitartekoak; gazteak “B”, 18 eta 20 urte bitartekoak; eta 23 urtez azpikoak, 21 eta 23 urte bitartekoak. Kategoria bakoitzeko bi lasterketa egiten dira: kilometro bertikala lehen egunean eta mendiko lasterketa igandean, eta sailkapena bi probak zenbatuta egiten da. Espainiako selekzioak hiru atleta ditu kategoria bakoitzean.

Irati Zubizarretak kilometro bertikaleko 23 urtez azpiko azpi-txapelduna izan zen maiatzean Albanchez de Maginan (Jaen), eta 4. postua lortu zuen mendiko lasterketan. Munduko txapelketa honetarako hiru postuetako bat irabazi zuen. 2017. urtean, Iratik “B” gazteen munduko titulua irabazi zuen Andorran, 3. baitzen kilometro bertikalean eta txapeldun lineako lasterketan. 2018an, Italian, kategoria berean, munduko 4. postuan zegoen, kilometro bertikalean 4. postuan eta lineako lasterketan 5. postuan; 2019an, Italian ere 23 urtez azpikoen kategorian, munduko 7. postuan lortu zuen, kilometro bertikalean 10. eta lineako lasterketan 4. postuan. Ea lehenengo 10etan sartzerik duen aurten.

Kanaria Handiko Las Palmasen, larunbatean, mendiko lasterketen Espainiako Kopako hirugarren proba izango da: Aguas de Teror- Desafio de los picos. Fedme-k (Espainiako Mendi eta Eskalada Federazioak) antolatzen du, eta han izango da Lide Urrestarazu ordiziarra, 23 urtez azpikoen kategorian irabazi zuena Sevillan. Lide 23 urtez behekoen Espainiako txapelduna da, eta Albanchez de Maginan irabazi zuen apirilean. Hirugarren postuan dago 23 urtez azpikoen kategorian eta 13. postuan kategoria absolutuan. Probak 32 km ditu guztira eta 2.000 metroko desnibel positiboa.

Danel Pérez 18 urtez azpikoen Espainiako txapelketan 5. altuera-jauzian

Danel Pérezen emanaldi ona joan den igandean Huelvako 18 urtez beherakoen Espainiako txapelketan egin zuen debutean. Danel 15. geratu zen eguerdian jokatu zuen luzera-proban, 5.95eko jauzi hoberenarekin, eta txapelketara iristen zen posizio berean sailkatu zen; bera marka onena zen 6.72ko markarekin 5. postua lortuko zukeen. Arratsaldean, bere probarik onena den altuera-jauzian, 5. sailkatu zen lehiaketa on batean. 1.91 gainditu eta bere markarik onena den 1,94 ezin izan zuen pasa. Lehiaketara heldu zen posizio berean amaitu zuen, oso ondo. Dominak 1,97 gainditzea eskatzen zuen, garesti.