Krosaren hasiera Euskadin

Egilea: Pululu Itzulpena: Auritz Mendizabal

Azkenean, eta aurreko neguan pandemia dela-eta Euskadin kros bakarra izan ondoren, igande honetan hasiko da Euskadin landa-denboraldi interesgarri bat, martxora arte eramango gaituena.

Zornotzako (Bizkaia) nazioarteko krosa izango da denboraldi honetako atleta urdinen lehen krosa, baita egutegi nazionalean dauden Euskadiko lehenengo krosa ere. Txindoki Jaso Autowag AT bost atleta gizonezkorekin arituko da, lau sub 16 eta sub 18 bakarra.

Hurrengo krosa hilaren 31n (igandea) izango da Laudion (Araba). Bertan Laudioko krosa egingo da eta, aldi berean, Euskadiko txapelketa izango da Master kategoriarako. Azaroaren 7an iritsiko da Donostiako nazioarteko krosa Lasarteko hipodromoan. Gipuzkoako kros txapelketako lehen proba izango da eta Gipuzkoako eskola-umeentzako lehen proba ere izango da. Horrez gain, azaroaren 21ean Sevillan egingo den kluben arteko Espainiako kros-txapelketarako eta abenduaren 5eko Oviedoko 16 urtez azpikoen eta 18 urtez azpikoen selekzioetarako sailkapen-krosa ere izango da. Abenduaren 6an, Orioko eskola-krosa egingo da; abenduaren 12an, Euskadiko Kros Txapelketa Amurrion; abenduaren 19an, Eibarko Krosa, eskolartekoen hirugarren krosa eta kopako bigarrena; urtarrilaren 9an Elgoibarko nazoarteko krosa, koparako eta eskolartekoentzat hau ere; urtarrilaren 16an Irungoa eta 23an Goierrikoa Zuamarragan, biak ere koparako eta eskolartekoetarako ere baliagarriak; urtarrilaren 30ean Espainiako txapelketa, oraindik egoitzarik gabe; otsailaren 6an, asfalto gaineko Uliako krosa; etxeko Oianguko krosa otsailaren 13an izango da eta eskolartekoen Gipuzkoako txapelketa izateaz gain, Gipuzkoa trofeoaren bukaera izango da; otsailaren 27an eta Araban izango da Euskadiko eskolarteko txapelketa; martxoaren 13an, banakako Espainiako master-txapelketa eta kluben txapelketa Hornachuelosen (Cordoba), eta 16 urtez behekoen eta 18 urtez behekoen Espainiako txapelketa, Getafen.

Asteburu honetan lasterketetan, hauek izango ditugu: larunbatean, Gasteizko enpresen lasterketa eta 10 km, maratoi-erdia eta Bilboko gaueko maratoia; igandean, Lizarran, Nafarroako kluben arteko kross-txapelketa, Valentziako maratoi-erdia, Zubiritik Iruñerako maratoi-erdia, Agoitzmendi lasterketa Agoitzen (Nafarroa) eta Getxoko familia-lasterketa solidarioa.

Emaitzak

Alexander Oiarbide ordiziarrak Kantabriako Laredoko 10 km-an egindako lasterketa handia eta kronoa. Alexander proba entzutetsu horretako 26. postuan iritsi zen, 30.31 ofizial eta 30.29 errealeko markarekin eta horrek 10 km-etan marka pertsonala izatea esan nahi du.

Ordiziako mendi maratoian, Larraitz eta Igaratza artean eta itzuleran, hirugarren postua Irati Zubizarretak emakumeen artean, 13. postuan Ordiziako Mikel Pujana zen, 19. Manu Unanue aramarra eta 20. postua Ordiziako Jokin Leunda gazteak.

Donostiako 15 km-ko klasikoan, Alvaro Calderonek 36.a 53.46an, 48. Asier Auzmendi 54.28an, 52. Markel Hidalgo 54.42an, 75. Iker Iztuetak 55.46an eta 78. irabazi zuen Maite Arraizak emakumeetan 55.53an. 5 km-ko proba paraleloan, Unax Garcia 16. 17.15 eginda.

Malagako Alhaurin el Granden egindako laugarren probarekin, Fedme (Espainiako Mendi eta Eskalada Federazioa) lineako mendiko lasterketen Espainiako Kopa amaitu zen. Bertan, Lide Urrestarazu ordiziarra gailendu da etorkizuneko kategorian, eta hirugarren maila absolutuan, egindako lau proben ondoren. Lide hiru lasterketatan gailendu da. Lasterketa horietan etorkizun handiko kategorian hirutan parte hartu behar zuten gutxienez: apirilaren 18an, Algamitasen (Sevilla), uztailaren 31n, Terorren (Kanaria Handia) eta joan den igandean Alhaurin el Granden (Malaga). Kategoria absolutuan, berriz, 4. izan da hiru karreretan. Hori dela eta, bere kategorian irabazi eta podiumean sartzeko helburua lortu du kategoria absolutuan. Gogoan izan Lide Espainiako txapeldun izan zela maiatzaren 2an Dorreetan (Jaen) mendiko lasterketetarako promesa mailan eta 10. maila absolutuan.