Atleta urdinak Jaén, Lepe, Sevilla, Donostia eta Idiazabalen

Egilea: Pululu Itzulpena: Auritz Mendizabal

Asteburu honetan Andaluziako eta Gipuzkoako hainbat frontetan izango ditugu hitzorduak atletismoko agendan.

Larunbatean eta igandean, Donostiako Antonio Elorza belodromoan, pista estaliko Gipuzkoako eta Bizkaiko txapelketa absolutua egingo da. Hogeita hamar bat atleta urdin egongo dira bertan.

Igandean, Jaenen, Espainiako banakako eta selekzioen arteko kros txapelketa jokatuko da kategoria absolutuan, 23 urtez azpikoetan eta 20 urtez azpikoetan. 20 urtez azpikoen kategorian eta Euskadiko selekzioarekin, Txindoki Jaso Autowag ATko Iraia Mendia atleta egongo da emakumeetan eta Unax García gizonetan. Biek jasoko dute denboraldiko kros txapelketarik garrantzitsuenean parte hartzeko saria, espezialitate horretan neguan errendimendu ona izan baitute.

Lepen (Huelva), igandean, Espainiako ibilaldi atletikoko txapelketa egingo da, eta 20 urtez azpikoen 10 km-etan, Tolosa CFko Hodei Caballero ordiziarra egongo da. Sasoi onean dago txapelketa hori ahalik eta azkarren egiteko eta duela egun batzuk Utreran (Sevilla) lortutako 45.20ko kronoa hobetzeko.

Sevillan, igande horretan, Hispaniako maratoi-erdia egiten da, eta han izango da Alexander Oiarbide ordiziarra, joan den urrian Valentzian 1h06.59 egindako kronoa hobetzeko asmoz.

Herri-lasterketetan, igandean, Idiazabalgo herri-lasterketan ospatuko da eta ez da faltako atleta urdinik. Beste lasterketa herrikoi batzuk hauek dira: Bizkaiko Sodupe Negu lasterketa eta Nafarroako Azkoiengo 10 miliak. Astelehenerako, Calahorrako San Silvestre lasterketa herrikoia izango da Errioxan.

Emaitzak

Pista estaliko kluben Euskadiko Kopan, Donostiako belodromoan, gizonezkoen garaipena Real Sociedadentzat, pisua jaurtitzen (7.260 kg) 14.33rekin Gari Garmendiaren garaipenarekin eta Octavian Romanescu 60 metro lauetan (7,04 metro) ere gailenduz; 4x200 metroko errelebuan, Reala bigarrena zen Octavian Romanescurekin.

Emakumezkoetan, Donostiako Atletikoaren garaipena: Nora Tobarren bigarren postua altuera-jauzian 1,61ekin eta Nerea Galparsororen 2. postua 200 metroetan 25.76rekin.

Donostiako Anoeta mini-estadioan mailua jaurtitzeko parte-hartze libreko probetan, Donostiako Atleticoko Dorleta Oiarbidek mailua botatzen zuen 47,30 metrora.