Eneko Agirrezabal eta Maria Ibañez nabarmendu ziren hiru hondartzen herri lasterketan

Txindoki Grupo Jasoren ekitaldi bikaina Donostian 10 kilometroko hiru hondartzen herri lasterketan. Gizonezkoetan Segurako Eneko Agirrezabal nabarmendu nahi genuke, hirugarrena helmugan 30:19ko markarekin eta soilik Real Sociedad taldeko bi kirolari marrokiarrek gainditu zutelarik Oubaddik eta Lagharek. Gorka Satrustegi 16. izan zen 32:59ko markarekin, Alvaro Calderon 19. 33:47rekin (marka pertsonala), Asier Auzmendi 87. 36:49rekin eta Iker Iztueta 127. 37:37rekin. Emakumezkoetan Maria Ibañezen lasterketa bikaina helmugara seigarrena iritsiz 39:32ko marka handiarekin eta lehen aldiz 40 minututik jaitsiz. Oso ondo baita ere Maider Unanue, 22. 42:32ko markarekin. Tolosako San Esteban lasterketa ezagunean Izaleko Iker Zurutuzaren 8 postua nabarmentzekoa da.

Astebukaera

Astebukaera honetarako eta Gipuzkoako herri lasterketei dagokienez, larunbatean Oiartzunen izango da Urkaberako igoera eta igandean Donostian 15km-ko klasika eta 5,5 km-ko lasterketa paraleloa eta Orendainen Eltxo Trail-a 5 eta 20 kilometroetan.